ნენსკრას ჰიდროელექტროსადგურის პროექტის განმახორციელებელი კომპანია სს „ნენსკრა ჰიდრო“ სტიქიით დაზარალებულ სოფელ ჭუბერში საგანგებო რეჟიმში მუშაობს.

დღეს, 7 ივლისს კომპანიის ხელმძღვანელობამ ადგილზე საგანგებო შტაბის წევრებთან შეხვედრა გამართა. კომპანია გადაუდებელი ღონისძიებების დაგეგმვასა და სტიქიის შედეგად ინფრასტრუქტურისთვის მიყენებული ზიანის შეფასებაზე მუშაობს.

„დღეის მდგომარეობით, ჩვენი ძირითადი ამოცანაა, სტიქიით დაზარალებულ მოსახლეობას მაქსიმალური დახმარება აღმოვუჩინოთ. ჩვენი კომპანიის სუბკონტრაქტორმა – „ქართულმა სამშენებლო კონსორციუმმა“ მძიმე ტექნიკის მობილიზება მოახდინა. ამასთანავე, ადგილობრივ თვითმმართველობასთან შეთანხმებით შევიძინეთ პირველადი საჭიროების პროდუქტები და მედიკამენტები, რომლებიც სტიქიით დაზარალებულ ოჯახებს გადაეცემათ“, – განაცხადა სს „ნენსკრა ჰიდროს“ ოპერაციების მართვის დირექტორმა თეიმურაზ კოპაძემ.